Полициски службеници од СВР Штип во содејство со инспектори од Дирекцијата за заштита и спасување, од Државен пазарен инспекторат, од Трудов инспекторат, од Управа за јавни приходи и Центар за јавно здравје-Кочани, на 02/03 овој месец во времето од 23:50 часот до 02:00 часот, постапувајќи по претходно подготвен план извршија контрола врз работењето на угостителски објект (Градски базен) во Виница.
При тоа, легитимирани се 19 лица и извршен е преглед врз осум лица Од страна на полициските службеници во објектот биле затекнати и три малолетни лица, од кои две на 16 годишна возраст од Виница и едно на 14 годишна возраст од Кочани, како конзумираат алкохолни пијалоци. Известен е јавен обвинител од ОЈО Кочани и по негови насоки поради постоење на основи на сомнение за сторено кривично дело „точење алкохолни пијалоци на деца“ по чл. 204 од КЗ на РСМ, од лицата, во присуство на родител/старател, земени се изјави, материјал за анализи и извршено е алкотестирање.
При вршењето на контролата од страна на У.М. (34) од Виница прво вербално, а потоа и физички биле нападнати двајца полициски службеници, по што У.М. се дал во бегство и се преземаат мерки за негово пронаоѓање.
Покрај ова и од страна на Државниот инспекторат за труд при контролата констатирани се прекршоци во делот на нерегулирани работни односи на дел од вработените во угостителскиот објект.
