Можеби оваа посластица не изгледа лесна за подготовка, но со внимателни чекори ќе биде сосема возможно.
Состојки:
3 јаболка
2 лажици мед
малку цимет
пакување тенки кори
масло
50 г сечкани ореви
Сируп:
200 г шеќер
малку вода
половина лимон
Подготовка:
Исечете ги јаболката на коцки. Растопете две лажици мед во тава, а кога медот ќе се стопи, додадете ги коцките јаболка. Додадете цимет и мешајте за да омекнат јаболката додека течноста не испари, а потоа тргнете од оган.
Земете еден лист тенка кора, премачкајте го со масло и превиткајте го три пати за да добиете тесна лента, сите една врз друга.
Ставете една лажица динстани јаболка и две лажички сечкани ореви на самиот почеток од лентата. Свиткајте во форма на триаголник и наредете ги во намастен плех. Премачкајте го секој триаголник со масло и печете околу 30 минути додека убаво не поруменат.
Ставете шеќер и вода во тенџере за да зоврие сирупот, потоа додадете ги кришките лимон. Прелијте го сирупот врз сè додека е сè уште топло за добро да се впие. Пријатно!
Фото: Принтскрин/YouTube
