Газирана вода често предизвикува прашања, иако во основа е многу едноставно. Сомелиерката за вода Анистасија Барбер објаснува дека тоа е „вода што содржи растворен јаглерод диоксид“, додека диететичарката Кирстен Џексон додава дека гасот може да се појави природно во изворите или да се додаде за време на производството. Таа исто така истакнува дека ваквите води се нутритивно многу слични, освен ако не содржат додадени шеќери или засладувачи.
Кога станува збор за влијанието врз телото, лекарите и нутриционистите ги отфрлаат вообичаените митови. „Обичната газирана вода е само малку кисела и е безбедна за забите ако не содржи адитиви“, вели Барбер за Vogue, што го потврдува и стоматологот д-р Мајкл Апа.
Може да има различен ефект врз варењето на храната: „Може да ја зголеми надуеноста кај некои луѓе“, вели Џексон, особено кај луѓе со синдром на иритабилни црева, но додава дека помага при ситост кај некои и дека студиите покажале дека може да го олесни лошото варење. Таа исто така нагласува дека „газираната вода нема познат ефект врз тироидната жлезда“, а студиите покажале дека не му штети на здравјето на коските.
Иако е безбедна за повеќето луѓе, газирана вода не е за секого
Газираната вода е речиси исто толку хидрирачка како обичната вода. Според една студија од 2016 година, разликата во хидратацијата е практично невидлива. Уште повеќе, меурчињата им помагаат на некои луѓе да пијат повеќе течности во текот на денот, што може да има позитивен ефект врз целокупната хидратација.
Лекарите и нутриционистите се согласуваат дека газирана вода е здрава опција. Барбер и Џексон истакнуваат дека може да помогне во варењето и да биде добра алтернатива на засладените пијалоци. „Идеално е да се изберат производи без додаден шеќер“, советува Џексон, забележувајќи дека верзиите со вкус може да содржат засладувачи што некои луѓе ги сметаат за неприфатливи.
Барбер додава дека преминувањето од сокови на газирана вода може да биде лесен начин за намалување на внесот на шеќер и препорачува додавање свежо овошје во вашата вода како најдобра опција.
Иако е безбедна за повеќето луѓе, газирана вода не е за секого. Џексон вели дека луѓето со тешка надуеност, рефлукс или чувствително варење треба да ја избегнуваат, додека Барбер не ја препорачува како главен извор на хидратација за мали деца. И двете нагласуваат дека не постои строга граница, туку дека најважно е да се следи како реагира телото.
Фото: Pixabay
