Министерството за внатрешни работи излезе со информација дека било расчистено вчерашното убиство кај Виница. Имено вчера нешто по 16 часот, во ОВР Виница, од Итната медицинска помош е пријавено дека во близина на градските гробишта во Виница, бил пронајден починат 56 годишен човек со иницијали Д.А. од с.Липец, Виничко. Лекар констатирал смрт, а по наредба на јавен обвинител, телото на починатиот било дадено на обдукција.
Во врска со настанот, полициски службеници ги лишија од слобода И.Л.(24), Г.П.(80), С.Р. (55) сите од Р. Грција како и 57 годишно лице со иницијали С.З.од с.Жабени, Битолско.
По преземени мерки и активности од страна на ОВР Виница во содејство со ОЈО Кочани, во насока на расчистување на кривично правниот настан, извршени се претреси во возилата кои лицата ги управувале и во просториите во апартманите во Виница каде лицата престојувале. При претресите пронајдени и одземени се четири ловни пушки и околу 800 парчиња ловечка муниција, како и друг доказен материјал од интерес на истрагата.
Против 80 годишниот државјанин на Грција со иницијали Г.П. ќе биде поднесена кривична пријава а против останатите инволвирани лица во настанот до ОЈО Кочани ќе бидат поднесени соодветни поднесоци, информираат од МВР.
