Доколку сте љубител на познатите Баунти чоколатца, овој тарт ќе ве освои уште од првиот залак! Богата комбинација од кокос, бело и темно чоколадо, сè во совршен баланс на вкусови, а најдобро од сè – се подготвува без рерна!
Состојки:
Подлога:
300 г бисквити
100 г темно чоколадо
60 г путер
Слој од кокос:
160 г кокосови снегулки (околу 2 чаши)
150 г бело чоколадо
250 мл слатка павлака (36% мм)
50 г кокосово масло
Глазура:
150 мл слатка павлака (36% мм)
70 г темно чоколадо
70 г млечно чоколадо
20 г кокосово масло
Декорација:
3 Баунти (или слични кокосови) плочки
1 лажица кокосови снегулки
Подготовка:
1. Подлога
Намастете тава за тарт со дно што може да се отстрани со путер. Мелете ги бисквитите во процесор за храна додека не добиете ситни трошки. Растопете го чоколадото на пареа, а посебно растопете го путерот. Измешајте го путерот во трошките, потоа додадете го чоколадото и добро измешајте. Притиснете ја смесата во калапот (дното и страните), користејќи чаша за рамномерност. Оставете во фрижидер да се стегне 1 час.
2. Слој од кокос
Истурете ги кокосовите снегулки во сад. Загрејте ги павлаката и кокосовото масло во тенџере додека речиси не зоврие. Додадете го белото чоколадо и мешајте додека целосно не се стопи. Прелијте ја смесата врз снегулките и добро измешајте. Рамномерно распоредете ја врз основата и ставете во фрижидер најмалку 2 часа.
3. Глазура
Загрејте ги павлаката и кокосовото масло до точка на вриење. Додадете ги чоколадите и мешајте додека не добиете мазна, сјајна смеса. Кога малку ќе се олади, прелијте ја врз слојот од кокос. Ставете во фрижидер 4-5 часа, по можност преку ноќ.
4. Декорација
Исечкајте ги плочките Баунти и распоредете ги по површината. Посипете со кокосови снегулки за ефективен финален изглед.
Уживајте!
Фото: Принтскрин/novosti
