Слаб земјотрес попладнево ги стресе Тетово и Гостивар. Според податоците со кои располага Сеизмолошката опсерваторија при Природно-математичкиот факултет во Скопје, денес во 16 часот и 10 минути беше почувствуван земјотрес чиј епицентар потекнува од епицентралното подрачје Тетово-Гостивар, на околу 47 км југозападно од Скопје.
Силината на потресот е со Рихтерова локална магнитуда, M L 2.5, а жителите на Гостивар и околината го почувствуваа со интензитет од три до четири степени според Европската макросеизмичка скала.
