Малопродажните цени на бензините Еуросупер БС-95 и Еуросупер БС-98 се намалуваат за 7
денари за литар, и од ноќеска на полноќ ќе се продаваат за 86, односно 88 денари за литар, одлучи денеска Регулаторната комисија за енергетика, водни услуги и услуги за управување со комунален отпад.
Од утре се намалува и малопродажната цена на дизел горивото за 5,5 денари за литар и ќе се продава за 94,5 денари.
Според денешната одлука на РКЕ, цената на екстра лесното масло за домаќинство се намалува за 6,5 денари за литар, и ќе изнесува 103,50 денари, додека цената на мазутот се намалува за 6,261 денари за килограм и ќе се продава за 49,312 денари.
Од РКЕ информираат дека во одлуката е применет е намален износ на акцизата од 2 денари за литар кај бензините и од 4 денари кај дизелот, како и намалување на износот на ДДВ за деизелот во висина од 10 отсто.
