Ѕвездата на Барселона Ламине Јамал (18) се најде во центарот на вниманието на медиумите поради уште една забава која била во една дискотека.
Младиот напаѓач ги искористи деновите без клупски обврски за да се релаксира со пријателите. Јамал наводно изнајмил сепаре за себе и своите пријатели. Поради желбата за дискреција, гостите се замолени да ги остават своите мобилни телефони на влезот.
Еден од вработените во клубот подоцна откри дека само девојки биле дозволени да влезат. „Девојки, сè е платено“, е изјавата што Ел Насионал ја става во насловот на својата статија за забавата на Јамал. Иако некои се згрозени што играч кој се опоравува од повреда воопшто излегува, деталите од вечерта не укажуваат на никаков скандал.
Сведоци тврдат дека сè поминало добро за време на забавата што траела до пет часот наутро. Изворите наведуваат дека Јамал бил учтив, не консумирал алкохол и само седел и уживал во музиката.
