Повеќе од два часа главниот град е прекриен со чад, а мирис на изгорено се чувствува во повеќе делови од градот. Засега нема официјална информација од каде доаѓа чадот, ниту дали станува збор за некој пожар во близина.
Граѓани на социјалните мрежи од различни скопски општини, веќе реагираат и прашуваат што се случува и дали некој има информации за можен пожар, но засега нема потврдени податоци за изворот на чадот.
Од камерата поставена на врвот на Водно може да се забележи дека видливоста над Скопје е значително намалена.
Во меѓувреме, од Центарот за управување со кризи, соопштија дека чадот во Скопје се спуштил поради активен пожар на планината Китка.
