Девет лица, вклучувајќи го и напаѓачот, се убиени во пукање во училиште во округот Банг Круаи во покраината Нонтабури во Тајланд, објави Гардијан.
Напаѓачот прво ги застрелал своите баба и дедо, користејќи го пиштолот на својот дедо, а потоа отишол во своето училиште и убил тројца наставници и тројца ученици.
Дечрапи Конгди, командант на полицијата во покраината Нонтабури, потврди дека осомничениот вооружен напаѓач си го одзел животот.
Според соопштението на полицијата осомничениот, кој бил студент, испукал 26 куршуми, а на местото на настанот биле пронајдени уште 34 куршуми муниција.
Осомничениот бил во деветто одделение изјави Конгди за Би-Би-Си..
Ова е второ пукање во училиште во Тајланд оваа година, откако еден наставник загина, а еден ученик беше повреден на југот од земјата во февруари.
