Дали мислевте дека посните колачи може да бидат меки, сочни и вистинско домашно задоволство? Овие „чупавци“ на вода докажуваат дека тоа е сосема можно! Со само неколку едноставни состојки и малку љубов во кујната, ќе добиете десерт што ќе ги воодушеви дури и најпребирливите – без млеко, јајца и масло.
Состојки:
За бисквитот:
250 грама брашно
50 г гриз
1 кесичка прашок за пециво
130 г шеќер
1 кесичка ванилин шеќер
300 мл вода
1 лажичка оцет (за полесно варење)
За преливот:
200 мл вода
40 г какао во прав
130 г шеќер
За валкање:
кокосово брашно
Подготовка
Во голем сад, просејте го брашното со гриз, прашок за пециво, шеќер и ванилин шеќер.
Постепено додавајте вода и оцет, а потоа мешајте со жица за матење додека не добиете мазно тесто без грутки. Истурете ја смесата во плех обложен со хартија за печење и печете во рерна загреана на 200 °C околу 20 минути. Оставете да се олади.
Загрејте ги водата, шеќерот и какаото во тенџере додека сè не се соедини, а потоа оставете малку да се олади. Исечете го изладениот бисквит на коцки. Потопете ја секоја коцка во преливот, а потоа во кокосовото брашно. Оставете да се олади целосно и преливот да се стегне.
Фото: Принтскрин/novosti
