Богати, интензивно чоколадни, со совршено мека и сочна средина, освојуваат од самиот прв залак. Тајната е во рамнотежата – полна арома на чоколадо, лесна крцкава кора и средина која останува кремаста и нежна.
За брауни:
400 г чоколадо за готвење
400 г путер
6 јајца
200 г шеќер
250–300 г брашно T-400
прстофат сол
100 г кршено чоколадо за посипување
За сервирање:
сладолед од ванила
За сосот од цреши:
400 г цреши
1 лажица нишесте
1 лажица вода
Подготовка:
Растопете ги путерот и чоколадото. Оставете ја смесата малку да се олади. Изматете ги јајцата и шеќерот со миксер додека не добиете густа, пенеста и полесна смеса. Додадете го изладеното чоколадо и путер, потоа брашното и солта. Лесно соединете со миксер, колку што е потребно за да добиете еднолична смеса. Обложете плех за печење (30×25 см) со хартија за печење и прелијте ја смесата. По желба, наросете со кршено чоколадо. Печете во претходно загреана рерна на 180°C околу 20 минути. Оставете ги браунисите малку да се оладат пред да ги исечете.
За сосот: Сварете ги црешите кратко. Додадете го нишестето измешано со вода и мешајте додека не се згуснат. Сервирајте ги браунисите со топка сладолед и прелијте со топол сос од цреши.
Уживајте!
Фото: Принтскрин/novosti
