Американската актерка Кејли Куоко отворено проговори за тешкиот период низ кој поминала за време на разводот во 2022 година, откривајќи дека во еден момент се соочила со тешка депресија, непосредно пред една од најважните ноќи во нејзината кариера.
Ѕвездата на серијата „Теоријата за големата експлозија“, денес на 40 години, беше гостинка во емисијата „Шоуто на Дру Баримор“, каде искрено раскажала како изгледал нејзиниот емоционален слом по разводот од нејзиниот поранешен сопруг Карл Кук.
Куоко се потсетила на премиерата на втората сезона на „Стјуардесата“ во април 2022 година, кога, наместо возбуда, почувствувала целосно губење на контролата врз сопствените емоции.
View this post on Instagram
„Се разбудив тоа утро толку депресивна и тажна што не можев ниту да дишам. Лежев на подот и буквално мислев дека ќе умрам. Тоа беше најлошиот ден во мојот живот, а истата вечер требаше да се случи едно од најубавите нешта во мојата кариера. Неверојатно е како понекогаш се судираат ваквите моменти“, рекла актерката.
Таа додала дека дури и немала сила да стане тоа утро и дека сериозно размислувала да не присуствува на премиерата. Во тие моменти, верувала дека нејзиниот живот е „завршен“, дека никогаш повеќе нема да се омажи или да има деца.
View this post on Instagram
„Додека лежев на подот, си помислив: ‘Еве го тоа. Ова е најниската точка на која можам да одам’“, признала Куоко, истакнувајќи дека токму тогаш сфатила колку е кревко менталното здравје.
Сепак, судбината имала други планови. Само три недели подоцна, го запознала актерот Том Пелфри, кој сега е нејзин вереник. Тие јавно ја потврдија својата врска во мај 2022 година, а во март 2023 година ја добија ќерката, Матилда Кармин Ричи Пелфри. Двојката се сврши во август 2024 година, повеќе од една година по раѓањето на нивната ќерка.
Куоко нагласила дека целото искуство ја променило и ја научило на важна лекција – дека е во ред да се премислите и плановите за животот.
View this post on Instagram
„Понекогаш едноставно се премислувате и тоа е сосема во ред. Потребно е многу време и прошка за да се разбере тоа“, рекла актерката.
Пред бракот со Кук, Кејли Куоко беше во брак и со поранешниот тенисер Рајан Свитинг од 2013 до 2015 година.
Денес, Куоко не ја крие својата среќа и љубов кон Пелфри, а неодамна изјавила дека би сакала да работи со него на заеднички актерски проект.
„Нема личност со која повеќе би сакала да соработувам“, рекла таа во интервју за People.
Фото: Принтскрин/Instagram
