Со додавање на пиперка и домати, вкусот станува уште побогат.
Состојки:
3 главици кромид
1 пиперка
1 лута пиперка
1 домат
пилешко месо исечено на парчиња
малку масло
малку вода, сол
зачин, бибер
1 лажичка слатка пиперка
Подготовка:
Исечете го пилешкото на парчиња, па пржете го во врело масло од двете страни додека убаво не порумени. Кога месото ќе добие боја, извадете го на чинија и додадете го кромидот исечен на резанки и сечканата пиперка во истата маснотија.
Динстајте ги кромидот и пиперката околу 15 до 20 минути додека целосно не омекнат, потоа додадете ги сечканите домати или прелијте со чаша варени домати. Потоа вратете го прженото пилешко, додадете малку вода и продолжете со динстање уште десет минути.
На самиот крај, додадете сол, зачини, мелен бибер и слатка пиперка, па оставете сè заедно да крчка уште неколку минути додека вкусовите не се соединат и сосот не стане совршен.
Фото: Принтскрин/YouTube
