Одлична е за појадок, ручек или вечера и секогаш е хит. Лесна за подготовка, полна со вкус и со стопена моцарела во секој залак, овој рецепт е еден од оние што ќе го правите одново и одново.
Состојки за тестото:
250 грама брашно
1,5 лажички сув квасец
2 лажици шеќер
1/2 лажичка сол
125 мл топло млеко
1 јајце
За премачкување:
1 јајце
2 лажици мек путер
1 чешне лук
2 лажици млад кромид
150 г моцарела
Подготовка:
Измешајте ги сите состојки за тестото и замесете мазно, меко тесто. Млекото треба да биде млако, а јајцето треба да се измати и лесно да се посоли пред да се додаде. Покријте го тестото и оставете го да нарасне. Кога тестото ќе нарасне, префрлете го во тавата за печење и оставете го уште 15 минути да нарасне. Во меѓувреме, подгответе ги состојките за погачара. Нараснатото тесто премачкајте го со изматено јајце и растопен путер. Направете вдлабнатини во тестото со лажица и ставете парчиња моцарела во нив. Посипете со ситно исечкан млад кромид, лук и магдонос по желба. Печете во претходно загреана рерна на 200°C 20-25 минути, додека не добие златна боја.
Пријатно!
Фото: Принтскрин/novosti
