Денеска во село Блатец беше реализирана еко-акција за пошумување, во организација на Младинската организација Блатец, во соработка со ДПД Виница и Ротари клубот Кочани – Виница. Акцијата е дел од националната иницијатива на Асоцијацијата на Ротари клубови во Македонија, во чии рамки низ државата се засадени вкупно 6.000 садници.
Во акцијата учествуваа бројни волонтери, граѓани и љубители на природата, кои со заеднички ангажман придонесоа кон унапредување на животната средина и зазеленување на просторите во подрачјето на Блатец.
Организаторите упатија благодарност до сите учесници и порачаа дека ваквите еко-акции се доказ оти грижата за природата е заедничка одговорност и обврска на сите нас.
