Цврста и богата основа од ганаш, свиленкаст белгиски крем фил и неодолив прелив од млечно чоколадо го прават овој десерт раскошен, кремаст и апсолутно неодолив.
Состојки:
Основа од ганаш:
100 г сечкани чоколадни колачиња
80 г растопен путер
300 г полуслатко чоколадо
150 г слатка павлака
Фил – белгиски крем:
500 мл полномасно млеко
1 конзерва (397 г) засладено кондензирано млеко
4 жолчки од јајца
3 лажици нишесте
1 лажичка екстракт од ванила
200 г слатка павлака
Прелив – млечно чоколадо:
200 г млечно чоколадо
100 г слатка павлака
чоколадни трошки по вкус
Подготовка:
Основа од ганаш
Измешајте ги сечканите чоколадни колачиња со растопениот путер. Притиснете ја смесата во дното на калап со отстранлив прстен (22-24 см). Растопете го полуслаткото чоколадо и мешајте ја слатката павлака додека не добиете мазен ганаш. Рамномерно распоредете го ганашот врз основата и ставете го во фрижидер 20 минути за да се стегне.
Белгиски крем
Во тенџере измешајте го кондензираното млеко, нишестето и жолчките. Постепено додавајте го млекото и варете на средна температура, мешајќи постојано, додека кремот не се згусне. Тргнете од оган, додадете ванила и слатка павлака, а потоа добро измешајте. Оставете кремот малку да се олади, а потоа намачкајте го врз изладениот ганаш.
Чоколаден прелив:
Растопете го млечното чоколадо и измешајте го со слатката павлака додека не добиете мазна смеса. Прелијте го по белгискиот крем. Посипете со чоколадни трошки или парчиња чоколадо (солзи). Ставете го колачот во фрижидер најмалку 4 часа, а идеално е преку ноќ, за да се стегне совршено.
Уживајте!
Фото: Принтскрин/novosti
