Подолу ви донесуваме едноставен рецепт за совршено кремасти пилешки ќофтиња кои се идеални за семеен ручек, вечера или неделен оброк на лажица.
Состојки:
За пилешките ќофтиња:
400 г мелено пилешко месо
50 г лебни трошки
1 јајце
50 г пармезан
сол и бибер
За крем сосот:
1 лажица путер
2 чешниња лук, ситно исечкани
2 чешниња лук
250 мл павлака
50 г мелен пармезан
250 г свеж спанаќ
1/2 лажица сенф
сок од лимон
сол, бибер и лута пиперка по вкус
За пирето од пашканат:
3 пашканати
2 чешниња лук, ситно исечкани
1/2 л зеленчукова супа
сок од лимон
Подготовка
1. Пилешки ќофтиња
Измешајте го меленото пилешко со јајцето, презлата, пармезанот, солта и биберот. Формирајте топчиња со еднаква големина. Пржете ги во маслиново масло во тава додека не поруменат. Извадете ги на чинија.
2. Пире од пашканат
Излупете го пашканатот и исечете го на коцки. Пржете го лукот во путер, потоа додадете го пашканатот. Додадете ја супата од зеленчук – колку да го покрие зеленчукот. Варете додека пашканатот не омекне, а потоа измешајте го во кремасто пире. Додадете сок од лимон и повеќе зачини доколку е потребно.
3. Кремаст сос од спанаќ
Во истата тава каде што ги пржевте ќофтињата, растопете една лажица путер. Додадете лук и пржете кратко. Прелијте ја павлаката и додадете го сенфот. Зачинете по вкус. Додадете свеж спанаќ и варете додека не омекне. Додадете го пармезанот за да се згусне сосот убаво. Вратете ги ќофтињата во тавата и повторно загрејте сè кратко. Додадете сок од лимон за свежина.
Ставете го кремастото пире од пашканат на чинија, сочните ќофтиња одозгора и прелијте ги со богатиот сос. Уживајте во совршено јадење кое комбинира нежни текстури и интензивни вкусови.
Уживајте!
Фото: Принтскрин/novosti
