Деми Мур, Пенелопе Круз и Ева Лонгорија беа најзначајни на гала вечерата во Музејот на Академијата во Лос Анџелес.
Деми Мур, Ева Лонгорија и Пенелопе Круз докажаа дека се уште се привлечни како и секогаш, засенувајќи многу млади ѕвезди на овогодинешната гала на Музејот на Академијата во Лос Анџелес. Имено, тие покажаа на дело дека сè е во енергијата што ја емитира жената, па кога стапнале на црвениот тепих, сите други паднале во нивната сенка, а таму имало огромен број познати личности од светскиот џет-сет.
Деми Мур (62)
View this post on Instagram
Деми на настанот дошла во прекрасна долга тоалета со длабоко деколте во популарната бордо нијанса што го нагласувал струкот, а дијамантскиот накит го привлекол вниманието на сите. Таа ја исчешлала косата во бранови, додека очите ги истакнала со шминка.
Деми Мур е позната по својот холистички пристап кон стареењето. Нејзината рутина вклучува дневна хидратација на кожата, употреба на серуми со епидермални фактори на раст и редовна употреба на розови кварцни камења за лимфна дренажа на лицето. Покрај тоа, таа практикува јога, пилатес и претпочита исхрана богата со хранливи материи од растенија. Неодамна открила дека користи и медицинска терапија за детоксикација на крвта, што дополнително придонесува за нејзиниот младешки изглед.
Ева Лонгорија (50)
View this post on Instagram
Лонгорија изгледала како џебна Венера во светкаво розов фустан кој имал проѕирни делови, а ѕвездата од „Очајни домаќинки“ го нагласила нејзиното деколте.
Нејзината костенлива коса изгледала еластична, а нејзината шминка – која се состоела од класичен ајлајнер и беспрекорен, мат тен – ја нагласила нејзината природна убавина.
Ева Лонгорија се фокусирала на холистички режим на велнес. Таа користи терапија со црвена светлина, ладни бањи и тренинг за сила со тегови. Нејзината рутина вклучува медитација, водење дневник и користење на тракер за спиење. Дополнително, таа користи додатоци како магнезиум и свесно се буди на изгрејсонце, што додава на нејзината енергија и виталност.
Таа користи креми со заштитен фактор неколку пати на ден, а минатата година размислувала за својот омилен козметички третман.
– Сите знаете дека сакам да се фокусирам на здравјето, а тоа го вклучува и Morpheus8 – мајката на сите третмани – рекла актерката во едно интервју.
Morpheus8 е третман кој ветува придобивки од лифтинг на лице без да се оди под нож. Клиничките студии покажуваат дека третманот покажал успешно затегнување на кожата преку RF микро-игли.
Пенелопе Круз (51)
View this post on Instagram
Пенелопе ги покажала своите бујни гради во фустан кој ја следел линијата на нејзиното тело и ги истакнувал сите нејзини облини. Лицето на шпанската актерка изгледало целосно без брчки додека им се насмевнувала на фотографите. Минималната шминка дополнително ги нагласила нејзините прекрасни црти на лицето.
Пенелопе Круз се потпира на едноставна, но ефикасна рутина. Нејзината исхрана е богата со маслиново масло и риба, додека кофеинот е сведен на минимум. Таа редовно спие, вежба и практикува трансцендентална медитација. Нејзината кожа дополнително ја негува со употреба на серуми и маски, а за косата користи шампони со протеини кои ја прават силна и здрава.
Фото: Принтскрин/Instagram
