Најздравото растение во светот, според истражувањето на американскиот Центар за контрола и превенција на болести (CDC), е поточарката со совршени 100 од 100 поени на нутритивната скала, повеќе од кинеската зелка, блитвата, цвеклото и спанаќот.
Позната е како едно од најстарите растенија чија употреба датира од далечната историја. Многу антички народи ја користеле во исхраната и третманот на здравствени проблеми.
Поточарката (лат. Nasturtium officinale) е скромно, но многу вредно растение. Фактот дека содржи повеќе железо од спанаќот и повеќе витамин Ц од лимоните и портокалите зборува многу за нејзината хранлива вредност.
Многу антички народи ја користеле во храната и медицината. Хипократ го ценел ова растение и го препорачувал за третман на бели дробови, забоболка, заболувања на грлото, гушавост и засипнатост. Меѓу античките Грци, Египќани и Римјани, била позната како моќно средство за враќање на енергијата.
Египетските фараони им наредувале на своите робови секојдневно да пијат сок од поточарка за да ја одржат силата, а со тоа и продуктивноста.
Сега, официјално меѓународно истражување го прогласи ова лиснато зелено растение за најздрав зеленчук на планетата, односно храна број 1.
Имено, според неодамнешна студија, откриено е дека поточарката го спречува и намалува оксидативниот стрес, а исто така ја прочистува крвта, го стимулира апетитот и го чисти телото од токсини.
Зошто поточарката е толку здрава?
Богата е со хранливи материи:
– Повеќе железо од спанаќот
– Повеќе витамин Ц од лимоните и портокалите
– Содржи витамини А, Ц, Е, К, Д, како и јод, калциум, сулфур и есенцијални масла
Лековити својства:
– Ги чисти крвта, белите дробови и црниот дроб
– Помага при дијабетес, ревматизам, заболувања на бубрезите и респираторниот систем
– Делува како антиоксиданс, антибиотик, диуретик и имуностимулатор
– Влијае на растот на косата, здравјето на кожата и општата енергетска состојба
Историска употреба:
– Хипократ го користел за лекување на белодробни заболувања и заболувања на грлото
– Египетските фараони им го давале на слугите за сила
– Римјаните го јаделе за ментална бистрина и донесување важни одлуки
Многу луѓе многу често пијат сок од поточарка, а се препорачува да се пие разреден со вода во сооднос 1:5. Препорачаната доза е една чаша на секои неколку дена, не повеќе од тоа, бидејќи може да се појават несакани ефекти.
Фото: Принтскрин/vasdoktor
