Белградска Црвена Звезда не успеа да се квалификува за новиот формат на Лигата на шампионите втора година по ред, откако синоќа одигра само 1:1 на гостувањето кај кипарски Пафос. По поразот од 1-2 во Белград , српскиот шампион имаше водство до 89-тата минута на реваншот, но потоа Кипраните постигнаа гол и испишаа историја за клубот.
По голот што го постигна Жажа за домашниот тим, сè ескалираше. Прво на трибините, а потоа и меѓу фудбалерите. Српските медиуми пишуваат дека член на обезбедувањето го удрил Стефан Лековиќ, фудбалерот на Црвена Звезда кој бил на трибините со тренерот на голманите Немања Супиќ и други претставници на „црвено-белите“.
Токму во тој простор зад клупата на Црвена Звезда, блиску до членовите на српскиот клуб, беа присутни и навивачи на Пафос. Од српскиот клуб очекуваат брза реакција од УЕФА и казна за организаторот.
