Денеска со мечевите од 1.коло (17 часот), стартува и новата сезона во Втората фудбалска лига на Македонија. Сезона која по многу работи ќе биде специфична. Како прво само шампионот директно ќе се пласира во елитата, додека вториот и третиот тим ќе играат баражи со осмиот и деветтиот од ПМФЛ за пласман во првата лига.
Директно испаѓаат четирите последно пласирани екипи, додека оние од 9 до 11 место ќе играат баражи со третолигашите за опстанок.
Вака е направено со цел за да во сезоната 2026/27 ВМФЛ брои 14 екипи.
Денеска се очекува најинтересно да биде на средбата Брегалница – Кожуф, додека составот на Скопје предводен од Александар Таневски го дочекува тимот на Слога Виница.
