Посната реформ торта за младенци е вистинско изненадување за сите оние кои сакаат слатки, богата е со јаткасти плодови, мед и чоколадо и тешко е да се одолее.
Ако сакате да ги воодушевите гостите на овој празник, пробајте ја оваа верзија што е без маснотии, но полна и богата со вкус.
Комбинацијата од медени кори, мелени ореви и чоколадо ѝ дава посебна арома и длабочина на вкус, додека филот ја прави тортата сочна и има пријатна текстура.
Состојки:
За корите:
200 г мед
150 г шеќер
300 мл вода
250 г брашно
200 г мелени ореви
1 лажичка сода бикарбона
малку цимет
За филот:
350 г мелени ореви
300 г шеќер
1 ванилин шеќер
100 мл вода
150 г посно темно чоколадо
300 г посен маргарин
За декорација:
мелени ореви или рендано чоколадо
Подготовка:
Прво, загрејте го медот, шеќерот и водата во тенџере додека не се соединат. Во друг сад, измешајте ги сувите состојки, брашното, оревите, содата бикарбона и циметот, потоа додадете ги во топлата смеса и добро измешајте.
Добиената маса истурете ја во плех покриен со хартија за печење и печете околу 20 минути на 175 степени. Кога кората ќе се испече и излади, поделете ја на три еднакви дела.
За филот, загрејте ја водата со шеќерот и ванилиниот шеќер додека не зоврие, потоа тргнете од оган и додадете ги оревите и чоколадото. Мешајте додека сè не се растопи и соедини.
Одделно, матете го маргаринот додека не стане пенаст, а потоа додадете го во изладениот фил и се убаво изматете.
На крајот, наизменично наредете ги корите и филот, а целата торта прелијте ја со остатокот од филот. Декорирајте ја со јаткасти плодови или чоколадо по желба.
Пред сервирање, оставете ја тортата да отстои барем еден ден за да омекне и да го развие својот полн вкус.
Фото: Принтскрин/YouTube/Minjina Kuhinjica
