Ако сакате колачи што мирисаат на детство и домашно готвење, овој колач со афион ќе ве воодушеви. Мека и нежна кора, богат кремаст фил од афион и крцкави златни трошки создаваат совршена мешавина од вкусови и текстури.
Состојки:
Основа:
175 грама брашно
1 лажичка прашок за пециво
3 лажици масло
3 лажици млеко
1 лажица шеќер
125 г крем сирење
Фил:
750 мл млеко
250 г афион
120 г гриз
190 г шеќер
75 г путер
1 ванилин шеќер или 1 лажица арома на ванила
Трошки:
100 грама брашно
1 лажица мелени печени лешници или бадеми
100 г шеќер
75 г омекнат путер
Подготовка
1. Основа
Измешајте брашно, прашок за пециво, масло, млеко и шеќер во сад. Месете го тестото. Постепено додавајте го крем сирењето и месете додека не добиете мазно и меко тесто. Доколку е потребно, додадете уште малку млеко.
Распоредете го тестото во тава со димензии 20×30 см обложена со хартија за печење. Израмнете го со мала сукало или со раце.
2. Фил
Истурете млеко, мелен афион, гриз, шеќер и ванила (без путер) во тенџере. Варете на умерена температура, мешајќи повремено, додека смесата не зоврие и не се згусне.
Тргнете од оган, додадете го путерот,убаво измешајте и оставете да се олади неколку минути.
3. Трошки
Соединете ги сите состојки во блендер или месете рачно додека не добиете лабави трошки.
4. Завршување и печење
Рамномерно распоредете го изладениот фил врз кората. Посипете ги подготвените трошки врз филот.
Печете во претходно загреана рерна на 180°C (режим на вентилатор) околу 35 минути, или додека колачот не добие златна боја.
Совет
Оставете го колачот да се олади пред да го исечете.
Пријатно!
Фото: Принтскрин/novosti
