Претставници од Општина Виница, делегација составена од локална самоуправа, педагози, социолози и ученици, вчера присуствуваа на локалната конференција која се реализираше во Кисела Вода под мотото „Одлучувам, значи постојам“.
Целта на конференцијата е како да се зајакнат капацитетите на индивидуално и институцијално ниво во контекст на унапредување на детските права преку вклучување на децата во процесот на одлучување .
Младите и децата имаат носечка улога како во општеството така и во нашата општина, токму затоа Општина Виница секогаш е подготвена да ги отвори вратите во однос на секоја тема поврзана со децата, а пред се, да им овозможиме колку е можно поквалитетно образование, подобри услови во училиштата, повеќе зелени површини и чиста околина.
На конференцијата од Општина Виницаи присуствуваа: Горица Спасова – директор и одделенски наставник ООУ „Гоце Делчев“ Виница (тим лидер) , Александар Јованов – советник во Општина Виница ( заменик тим лидер ), Милка Стаменкова – директор и воспитувач во детска градинка „ Гоце Делчев “ Виница, Никола Спирковски – ученик во СОУ „Ванчо Прке“ Виница , Кристијан Мијалчов – ученик во СОУ „Ванчо Прке“ Виница, Сашка Дончева – Центар за социјална работа Виниц, Петрунка Илиева – социјален работник во ООУ „ Славчо Стојменски“ Виница, Весна Тодорова – педагог во ООУ „Кочо Рацин“ село Блатец Виница.
Конференцијата беше отворена со поздравен говор од страна на Драги Змијанац, ко-основач и претседател на Првата детска амбасада во светот Меѓаши и Кристина Василеска-директор на КМОП Скопје кои аудиториумот го запознаа со досегашните и идните активности со цел да се придонесе за развивање на Концептот ,,Општини посветении на децата”.
Претставникот на општина Виница, г-дин Александар Јованов советник во општината, говореше за можноста за унапредување на меѓуопштинската соработка преку размена на идеи, реализација на заеднички проекти и меѓусекторско вмрежување во насока на создавање општини по мерка на децата.
Проектот е поддржан од Европската унија.
