Американската актерка Енди Мекдауел зборувала за очекувањата на општеството дека жените мора да изгледаат помлади без оглед на возраста и изјавила дека не планира да се подложува на козметички процедури.
„Ја паметам мојата баба, која беше матријарх, силна жена. Ја почитувавме. Никогаш не очекувавме да изгледа младешки. Тој концепт не постоеше. Тој нè понижуваше додека стареевме. Сега нè натера да се чувствуваме засрамени“, рекла таа за време на гостувањето во шоуто на Дру Баримор.
Таа продолжила велејќи дека има три внуци и дека ќе изгледа онака како што треба – како баба, затоа што се сака себеси.
„Не морам да изгледам млада“, забележала таа и ѝ се заблагодарила на Баримор што ја отворила темата. Мекдауел претходно зборувала за нејзината одлука да престане да ја бои косата.
„Да се биде постара личност која се обидува да биде млада, каков напор е тоа. Тоа е многу напор. Едноставно не можам да ја поднесам таа шарада… Не можам“, изјавила таа, меѓу другото.
Таа нагласила дека ова е прашање на личен избор и дека не планира да ги критикува жените кои сè уште ја бојадисуваат косата и одат на естетски процедури.
Фото: Архива
