Во салата за состаноци во општинската зграда беше одржана работна средба – Социјален дијалог, кој втора година по ред, го организира Општина Виница во соработка со Средното Општинско Училиште „Ванчо Прке“ Виница и учество на претставници од бизнис секторот од општината.
Работната средба има за цел поврзување и соработка помеѓу компаниите во Општина Виница, Средното Општинско Училиште „Ванчо Прке“- Виница и Општина Виница за една од стратешките цели на локалната самоуправа на Општина Виница, кое е модерно и квалитетно образование а во насока на унапредување на средното стручно образовани преку креирање на квалификуван стручен кадар кој ќе одговара на потребите на пазарот на труд, како и испитување на подготвеноста на компаниите за вклучување на ученици во дуалното образование и други можности за соработка.
Дуалните паралелки во СОУ „Ванчо Прке“ – Виница се новина во училиштето која започна од 2020/2021 година, но веќе се забележува напредок во обликување и помагање во стручната надградба на младите, што претставува бенефит и за младите и за компаниите.
Како клучни забелешки од одржаниот состанок произлегоа потребите за формирање на нови стручни профили во Средното стручно образование кои ќе бидат насочени кон формирање на кадри од угостителско-туристичката свера но и подигнување на капацитетите на машинската струка, како резултат на реално искажаните потреби на компаниите.
Се истакна и потребата од почести и неформални средби помеѓу засегнатите страни (Компании, Општина, училиште, Министерство за образование и наука и Центар за стручно образование и обука) кои ќе бидат извор на потребите и барометар на напредокот во однос на идните чекори на младите луѓе во општината и пошироко.
