Топлотниот бран и екстремно високите температури полека ја зафаќаат територијата и на Македонија.
Од Центарот за јавно здравје Охрид се апелира колку што е можно да се избегнува излегување надвор од 10 до 17 часот, а граѓаните да ги завршуваат неопходните обврски пред 10 часот и после 17 часот.
Во продолжение прочитајте неколку од препораки:
- Во препораките од Центарот се и избегнувањето на напорни физички активности, спорт и реакреативни активности, климатизирање на просториите и затворање на прозорците и ролетните во текот на денот. Отворањето на прозорците и проветрување на домот да се прави навечер или рано наутро.
- Доколку е неопходно граѓаните да престојуваат на отворено, се препорачува да избегнуваат директна изложеност на сонце и почесто да одмораат на сенка.
- Препорачано е да се носи светла и лесна облека изработена од природни ткаенини, да се носат заштитни очила и капа.
- Зголемете го количеството на внесување на течност односно вода.
- Внесувајте помало количество храна која нема да биде мрсна и високо-калорична.
- Туширајте се со студена вода, ставајте студени облоги и држете ги нозете во студена вода.
- За возачите и патниците се препорачува отворање на прозорец за да може воздухот да вентилира. Не оставајте никого во возилото!
- За хронично болните со срцеви, белодробни и невролошки болести се препорачува строга дисциплина и почитување на препораките. Доколку настане каква било промена на здравствената состојба, консултацијата со вашиот матичен лекар е задолжителна!
