Атрактивната бринета веќе подолго време ја интригира јавноста, како со нејзиниот емотивен избор, така и со физичкиот изглед кој се подрастично се менува.
Познатата актерка Меган Фокс овој пат, воодушеви со својот екстравагантен изглед на гламурозната забава на магазинот „Sports Illustrated“ во Њујорк, а пристигна во придружба на раперот Машин Ган Кели.
Меган позираше во проѕирен црн фустан кој во преден план го откриваше нејзиното никогаш побујно деколте. Свилениот дел од црната креација и ги прекри само нозете, додека горниот дел ја раскажа својата приказна, а многумина тврдат дека Меган повторно ги зголемила градите.
Меган неодамна ја промени и бојата на косата, од црна во портокалова, што целосно ја освежи.
И покрај тоа што контроверзниот пар наводно ја раскина свршувачката на почетокот на годината, а се шушкаше дека Кели ја изневерувал актерката со гитаристката од неговиот бенд, на црвениот тепих заедно пристигнале насмеани, прегрнати и видно вљубени.
