Информациите се дека е запалена затворска келија, а делува и противпожарна екипа.
Иако нема потврда, затворот е без струја.Од службите во Управата за извршување на санкции ја потврди информацијата и велат дека огнот бил бргу изгаснат.
Според неофицијални информации на „360 степени“, најверојатно пожарот бил намерно предизвикан од еден од притворениците. Чадот бргу се разнел до останатите ќелии и простории на катот преку централниот систем за вентилација.
Во битолскиот затвор во делот каде избувнал пожарот се сместени притвореници, а во моментов мерка притвор таму издржуваат вкупно 18 лица. Се очекува, по наредба на судот, тие да се распоредат во притворски одделенија во останатите затвори низ земјава.
