21 ви март- Ден на пролета

По повод одбележување на денот на пролета и екологијата во Општи Виница се спроведени многу активности, од засадување на садници до еколошки акции.

Оваа година Општина Виница, по тој повод набави 450 садници даб и декоративни дрвја, за уредување на градот и пошумување. Садниците даб се засадени од страна на учениците од општинските училишта и членовите на младинските организации од Блатец, Истибања и Градец, на неколку локации.

Свеста за одржување и зачувување на природата треба да се гради од најмали нозе, затоa во градинките, најмалите, љубовта кон природата денес ја изразија со засадување на цвеќиња и пренесување на пораки преку песнички и безброј насмевки.

Добредојде на пролетта и посакаа сите ученици со дефиле низ градските улици, пренесувајќи многу пораки.