Денес, 31 март, светот ги слави животите, отпорот и придонесот на трансродовите луѓе. Во Македонија, Трансформа традиционално го организира Маршот на видливост, но оваа година, во знак на почит кон жртвите од трагедијата во Кочани, маршот е заменет со јавен повик за правда и солидарност.
„Ова не е избор за невидливост, туку порака дека не можеме да одиме напред како ништо да не се случило,“ истакнуваат организаторите. Тие предупредуваат на маргинализацијата, дискриминацијата и опасноста од анти-родовите движења, кои шират страв и дезинформации.
Трансформа повикува на заедничка борба за општество кое ќе ги препознае трансродовите лица како рамноправни граѓани, истакнувајќи дека транс правата се човекови права.
