На 23-ти мај се одбележува Националниот ден на Власите. На овој датум во 1905-та година е издадени декретот од Отоманската империја, со којашто Власите се признаени како посебен народ, со своја култура, јазик и идентитет…
Државниот врв испрати честитки до припадниците на оваа заедница. Претседателот Пендаровски, напиша дека обврска на земјава е да продолжи да го чува, развива и да го промовира етничкиот, јазичниот и културниот идентитет на Власите во духот на европските вредности.
Собранискиот спикер Џафери рече дека сега, повеќе од кога било порано, е потребно да се сплотиме.
Премиерот Ковачевски, пак, вели дека со промовирањето на принципите на толеранција, доверба и почитување, Власите имаат огромен придонес во изградбата на нашата држава како едно општество за сите.
